«3.2.1.Старт!» жобасы туралы ереже

Жоба өзектілігінің негіздемесі:

Қазіргідей күрделі геосаяси жағдайында үлкен мән беруді талап етіп отырған әрі бұрынғыдан да қауіпті экологиялық мәселелерді ұмытуға болмайды әрі оны қоғамдастықтар тарапынан дер кезінде шешіп отырған жөн. Ал CCI Қазақстан тұрақты даму саласындағы түпкілікті мақсаты – қоршаған ортаны қорғау саласындағы белсенді әрі инновациялық қызметі есебінен өз бизнесінің ұзақмерзімді өміршеңдігін қамтамасыз ету, сондай-ақ компанияда ең жауапкершілікті азаматтардың құндылықтары тізбегін жасақтау арқылы мүдделі тараптарды мойындату. CCI Қазақстан құндылықтарын құру тұрақтылығы оның өз мақсаттарына деген адалдығымен айқындалады. Өйткені, CCI Қазақстан жақсы болашақты құруға ұмтыла отырып, өз мақсаттарын Біріккен Ұлттар Ұйымының Тұрақты даму мақсаттарымен (ТДМ) байланыстырады және мүдделі тараптар үшін жасақтап отырған құндылықтар ауқымын да кеңейтті.

Біз CCI Қазақстан ретінде экономиканың айналмалы циклына өз үлесімізді қоса отырып, көміртегі ізін азайтамыз, сонымен бірге тұрақты қаптамадағы күш-жігеріміз арқылы клиенттеріміз бен тұтынушыларымызға қауіпсіз жеткізуді қамтамасыз етеміз.

2006 жылдан бергі түпкі мақсатымыз «қалдықсыз өндіріс» шеңберінде біздер өнімділікті дамыту мен жақсартуға бағытталған әртүрлі тәжірибелерге бастамашы болдық.

CCI Қазақстанның 2021 жылғы қалдықтарды кәдеге жарату деңгейі – 89,1%.

Қаптама біздің өнімдеріміздің сапасының маңызды бөлігі. Мұнан да бөлек, тұрақты қаптама ресурстарды сақтау мен энергияны тиімді пайдалану сияқты міндеттерді де өзіне жүктейді.

Біз Қазақстанда жеңіл қаптама жөніндегі бағдарламаны 2010 жылдан бері жүзеге асырып отырмыз.

Ал жастар пластиктермен ластау мен оның салдарларымен күресу мәселесінде ең мықты коммуникаторлар.

Осы мәселеге байланысты Coca-Cola Icecek Қазақстан (Кока-Кола Алматы Боттлерс) жастардың пластиктерді жинау мен дұрыс сұрыптау жөніндегі идеяларын қолдауға бағытталған «3.2.1.СТАРТ!» жобасына бастамашы болып отыр.

«Өз үлесіңді қос!» - міне, бұл 30 жыл бойы елдің дамуына айтарлықтай өз үлесін қосып келе жатқан Coca-Cola Icecek Қазақстан (Кока-Кола Алматы Боттлерс) компаниясының бизнесті жүргізудегі философиясына толық сәйкес келетін ұран. Сондықтан да Қазақстан жастарының мемлекеттік бастамаларын қолдау мақсатында Coca-Cola Icecek Қазақстан мынаған ниетті:

Жастар санасында экологиялық пайымды қалыптастыру үшін оларды қалдықтарды, әсіресе пластиктерді жинау мен сұрыптауға қажетті дағдыларға үйрету;
ЖОО-лар арасында пластиктерді жинау мен қайта өңдеуге байланысты республикалық байқаулар өткізу;
Байқауда жеңген ЖОО-ға жобалық жұмыстарды жүргізу үшін пластмасса бұйымдарын өндіруге арналған жабдықтар желісін беру.

Жобаның мақсаты:

Қазақстан жастары арасында пластиктерді жинау мен оны дамытуды насихаттаумен қатар, ТДМ жаһандық мақсаттарына жету (12).

Жоба міндеттері:

жобаға қатысуға Қазақстан ЖОО-ларын шақырып, пластиктерді жинауда ең үздік идеяларға ие және бұл іске жанашырлық таныта алатын қазақстандық жастардың ең талантты өкілдерін анықтау;
Қазақстан студенттері арасында экологиялық сана қалыптастыру;
экологиялық тәрбие арқылы оларды экологиялық іс-шараларға тарту
ең үздік жобаларға мониторинг жасап, қолдау көрсету;
Экология саласы мен қаптама мәселесінде Қазақстандағы жастар және әлеуметтік кәсіпкерлікті қолдау жөніндегі мемлекеттік бағдарламалардың жүзеге асуына ықпал ету;

Жобаның географиясы:

Қазақстан Республикасы

Жоба аясындағы іс-шаралар:

жобаға қатысатын әрбір университетте жобаны таныстыру;
«3.2.1 СТАРТ!» ақпараттық онлайн алаңын іске қосу;
пластик жинау бойынша жоғары оқу орындары арасында республикалық байқаулар өткізу;
әрбір ЖОО-да білім беру тренингтерін ұйымдастыру;
жобаға қатысатын ЖОО орналасқан қалада сенбіліктер ұйымдастыру;
пластиктерді жинау нәтижелерінің мониторингі;
пластиктерді жинау жөніндегі жобаларды жүзеге асыру үшін құрал-жабдықтар ұсыну;
«Пластиктердің екінші өмірі» көрмелерін ұйымдастыру;
жұртшылықты жоба нәтижелерімен таныстыру;

Күтілетін нәтижелер:

Қысқамерзімді:

жастардың қоршаған ортаға жанашырлықпен қараудағы қызығушылығы артты;
ЖОО-лар арасында пластиктерді жинау мен қайта өңдеу жөніндегі байқаулар табысты өтті;
Қазақстан бойынша экологиялық сенбіліктер өткізілді.

Ұзақмерзімді:

Пластиктер жинауға қызығушылық танытатын жастар қатары көбейді;
Оны қайта кәдеге жарату мақсатында тұрмыстық қалдықтарды белсенді түрде сұрыптайтын ЖОО-лар қатары өсті.
Қалдықтарды бөлек жинау саласы мен қайта өңделген пластмассалардан бұйымдар өндіретін жастар кәсіпкерлігі бастамаларына деген қызығушылық артты.

Жобаның шарты:

жоба Қазақстан студенттері арасында экологиялық бастамаларды жүзеге асыруға ықпал ету мақсатында және Қазақстан ЖОО-ларын, университет қабырғасында пластиктерді жинауды насихаттауға тарту үшін жасалған;
жоба сенімді аймақтың немесе республикалық ҮЕҰ-мен серіктестікте іске асырылады. Сондай-ақ мемлекеттік органдар да бағдарлама серіктесі ретінде қарастырылады.
жоба басталғаны туралы хабарландыру жылына бір рет жарияланып, байланыс бағдарламаның веб-парақшасы, әлеуметтік желілер және т.б байланыс арналары арқылы жүзеге асады. ЖОО-лармен, университеттермен, тиімді байланыс коммуникациялары және жас ұрпақты жұмылдыру қауымдастықтарымен серіктестік жүргізіледі;
онлайн платформа жоба мониторингі мен пластик жинаудың санағын жүргізу үшін жасалған.
жоба жобаны ұйымдастырушылардың қоғамдық мәлімдемесінен кейін басталады. Жобаны жүзеге асыру барысында оған қатысушылар БҰҰ ЖаҺандық Тұрақты Даму мақсаттарының (ТДМ) жетістіктеріне қатысты мәселелерді қарастыру керек.
жоба кураторы жобаға қатысушы әрбір ЖОО-ның өкілі болу керек.
Ең көп пластик жинаған ЖОО-ға грант жабдық беріледі (жыл сайын грант мөлшері қайта қаралады)
Бірнеше ЖОО бірдей нәтиже көрсеткен жағдайда, қаржылай сыйақы конкурс комиссиясы шешімімен бөлінетін болады.
Жобаны жүзеге асыру мерзімінің ұзақтығы 1 айдан бастап, 12 ай аралығында.

«Жасыл» экономика және G-Global-ды дамыту коализациясы» жобаны Қазақстан аумағында жүзеге асырады.