Бейне-жолдауды сайтқа жүктеп салу мүмкін болмаған жағдайда, бейнеролик пен сауалнаманы «Байланыс ақпараттары» бөлімінде көрсетілген электрондық мекенжайларға жіберуге болады. Хатқа тіркелген файлдың өлшемі 50 МБ-дан аспағаны жөн.
Сонымен қатар, осы күндерде жобамыздың ұйымдастырушылар комитетінің өкілдері жастармен кездесулер өткізіп жатыр.Біз сіздермен бірге айрықша әлеуетке ие, белсенді жастардың тұтас қауымдастығын құра аламыз. Осы әлеует барлығымыздың өмірімізге оң әсер беретініне сенімдеміз.
CCI Kazakhstan компаниясы «Нұр Отан» партиясының жанындағы «Жас Отан» жастар қанатымен, «Атамекен» ұлттық кәсіпкерлер палатасымен және де «Орталық Азияның Еуразия қоры» (ОАЕҚ) қоғамдық ұйымымен бірге нақты әлеуметтік және экологиялық мәселелерді шешу мен республиканың түрлі өңірлеріндегі туризмді дамыту жолындағы жастардың бастамаларын анықтап, қолдауға бағытталған кең ауқымды «3.2.1. Старт!» жобасын қолға алмақшы.
